Turnfest Schofise 2024

Tornfest Schofise 2024 – as för es määäägha Wochenänd! Mer händ em töppige Wätter trotzt ond euse Wettkampf met vell Elan absolviert. Gstartet hämer metem Schuelstufebarre, wo mer en sensationelli Note vo 8.72 tornt händ. Als zwöits hämer euses Programm im TeamAerobic zeigt, womer metere super Note vo 8.23 belohnt worde send. Als dretti Disziplin em drüü-teilige Vereinswettkampf hämer denn no eusi Manne bem Fachtest onderstötzt. Sie händ euses super Ergebnis met 8.56 kompletiert. Stolz & glöcklech semmer denn e 4. Wettkampfteil gstartet – uf de Festbänk semmer deheime! Am Sonntigmorge denn nomol es super Highlight: Mer händ öises STUBA-Programm ade Schlossfiir döffe zeige. Was för en Ehr, danke! De krönendi Abschloss het denn eusi Fahneträgerin no bim Fahnelauf gha. Härzleche Dank ah all eusi Fraue för de wahnsinnig Ihsatz und euches Dorehebe bede eeewige Trainingsstonde. Mer send super glöcklech metem Tornfest und starte jetzt es Sommerprogramm.